Prusianos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os prusianos^[1] estioron un pueblo balto que habitaba a rechión de Prusia dica o sieglo XVII. Os prusianos charraban l'idioma prusiano, una luenga balta d'a mesma branca que o lituano y manteneban bien o politeísmo dica que fuoron sozmesos y colonizatos por os alemans d'a Orden Teutonica en o sieglo XIII. A sobén son denominatos "vielloprusianos" pa diferenciar-los d'os "alemans prusianos", que manimenos tampoco existen como pueblo actualment dende o reparto de Prusia entre Polonia y a Unión Sovietica en 1945.

Os caballers teutonicos trayoron a Prusia colons alemans, sobre tot d'o norueste d'o Sacro Imperio, en tiempos en os que iste encara incluiba os Países Baixos. Os dominadors alemans consiguioron de tot a chermanización d'os prusianos ya en o sieglo XVII, convertindo-se en alemans prusianos, habitants d'o Ducau de Prusia, dimpués part d'o Reino de Prusia, reino que prenió a hechemonía d'o norte d'Alemanya en os sieglos XVIII y XIX.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.